Вооружен грабеж во Волково: Украдени 4 торби со чекови за пензија

Вооружен грабеж рано утрово се случил пред поштата во село Волково. Во СВР Скопје, инцидентот бил пријавен во 7:05 часот утрово од страна на З.Ц. (52) од Скопје, кој додека извршувал достава во поштата, бил пресретнат од две непознати лица, кои со закана со оружје му одзеле четири торби.

Во торбите, според пријавеното, се наоѓале само чекови за пензија.

Полицијата работи на расчистување на случајот и пронаоѓање на двете непознати лица.