Приведени четворица гостиварци за поседување марихуана

Гостиварската полиција, вчера лишила од слобода четири лица за поседување наркотици. При претресите во две акции кај нив е откриена марихуана.

Според СВР Тетово, вчера на улица „Беличица“ во Гостивар, вчера околу 18 часот, полициски службеници ги лишиле од слобода гостиварците З. Х.(26) и Г. Е.(44). При нивен личен преглед, пронајдена им е марихуана.

Три часа подоцна врз основа на судска наредба, полицијата извршила претрес во дом на улица „Кеј Вардар“ во Гостивар, сопственост на Н. И. (37). При претресот во неговиот дом, пронајдена е марихуана и предмети со остатоци од марихуана. Освен домаќинот, приведен е и Г. Н. кој бил затекнат во куќата.При личен преглед кај него пронајдена и одземена е марихуана.

Против приведените се задржани во Полициската станица Гостивар за расчистување на случајот, а ќе им бидат поднесени и соодветни пријави.

Минатата година во поширокиот полошки регион, полицијата привела и осомничила околу 180 лица поврзани со неовластено произвоство и пуштање во промет на наркотични дроги, псхиотропни супстанци и прекусосри.