Приведени двајца малолетници за две кражби во Тетовско

Двајца малолетници привела тетовската полиција како осомничени дека се сторители на две кражби извршени на први и трети февруари.

Едната кражба била извршена во возило на регионалниот пат Тетово Попова Шапка, а другата во објект на булеварот „Илинденска“ во Тетово, информираа од Секторот за внатрешни работи Тетово.

Осомничени како извршители на овие кражби се 17-годишник од тетовското село Озормиште и 15-годишник од Тетово.

Двете лица биле приведени во Полициската станица Тетово а одземените парични средства и предмети што биле пронајдени кај малолетниците им биле вратени на нивните сопственици.

Се расчистува и документира случајот по што за сторителите на двете кражби ќе следуваат соодветни поднесоци најавија од полицијата.