Дел од демонстрантите кои учествуваа на вечерашниот протест „1 од 5 милиони“ во Белград упаднаа во зградата на државната телевизија РТС.
Во зградата пристигнала и полицијата, а поединци ги удирале полициските службеници кои не реагирале.
Еден од демонстрантите ги повикал и останатите насобрани граѓани да влезат во зградата на јавниот сервис.
Во телевизијата влегол и лидерот и еден од основачите на опозицискот блок „Сојуз за Србија“, Драган Ѓилас.
Демонстрантите претходно гаѓале со јајца кон зградата на РТС, а потоа предводени од Бошко Обрадовиќ влегле во просториите на телевизијата. Тие барале да се вклучат во програмата во живо.