Изгаснат пожарот кај село Калешовци, Кичевско
Сува трева, стрништа, смреки, високо и нискостеблеста дабова шума и овошни насади на површина од околу 1000 метри квадратни беа зафатени од пожар што избувна вчера во местото Долг Камен во атар на село Калешовци.
Портпаролот на СВР-Охрид Стефан Димовски информира дека пожарот бил изгаснат за неполн час со интервенција на екипа на Територијалната противпожарна единица Кичево.
