Елена Ристеска и раперот Кирил во македонско-руска „Superstar“ соработка (Видео)

Елена Ристеска го претстави дуетот со својот руски колега Кирил, со кого започна да соработува минатата година.

Станува збор за песната насловена „Superstar“, чија музика ја потпишува Дарко Димитров, а стиховите се дело на самиот Кирил, алијас Кеј-Ди-Ди-Кеј (KDDK).

Сето тоа стигна спакувано со видео што се снимаше во Мајами и за кое се погрижи Дејан Димковски, а за изгледот на Елена задолжена беше Дани Димковска.

Ова е втора песна и втора соработка за Ристеска годинава, а доаѓа по дуетот со српската колешка Данијела Кариќ за темата „Срца се погреше“ која наиде на одличен прием кај публиката во регионот.