Саманта Фокс си ги продава градниците за 100 евра

Една од најпопуларните пејачки од 80-тите години на минатиот век, Саманта Фокс, реши да ги продаде облеката и модните додатоци од тоа време, кои вклучуваат дизајнерски фустани, корсети, трикоа и градници.

Во описот на секој сувенир што се нуди на продажба стои дека тој „оди со потпис на Саманта и слика од неа, која ја потврдува автентичноста на артиклот”.

Градниците можат да се купат за цена од 100 евра, а пак, бикините што Саманта ги носеше во шоуто „Јас сум познат”, на пример, се веќе продадени за околу 300 евра.

Фокс својата кариера ја почна на 16-годишна возраст, прво како модел, а во 1986 година влезе и во светот на музиката. Во 1996 година таа позираше за „Плејбој“.