Во гостиварско учениците се возат во претоварени комбиња и со возачи без дозволи

Полицијата во последната контрола на комбиња кои превезуваат ученици од средните и основните училишта низ Гостиварско открила низа прекрошоци кои ја загрозуваат безбедноста. Откриени се и тројца возачи зад волан седнале без возачка дозвола.

Вчера попладне во периодот од 18 до 21 часот, во Гостивар со акциска контрола биле опфатени 35 возила (комбиња) со кои се превезуваат ученици.

– При контролата, откриени се девт возила со претовар на патници, осум возачи без лекарско уверение, тројца возачи без положен возачки испит, еден со несоодветна категорија, две нерегистрирани возила и еден возач кој не ја прилагодил брзината според условите на патот, вели Марјан Јосифоски портпарол на СВР Тетово.

Констатираните прекршоци биле санкционирани со законски предвидените поднесоци. Од почетокот на годината во гостиварскиот регон откриени се 22 случаи на претовар на патници од кои 14 биле во февруари.