Споменик на Џони Кеш во салата на скулптурите во американскиот Капитол

Споменик на Џони Кеш, легендата на кантри музиката, ќе биде поставен во салата на скулптури во американскиот Капитол во Вашингтон, одлучи неговата родна држава Арканзас.

Секоја американска сојузна држава поставува по две статуи во салата на скулптурите, голема галерија во внатрешниот дел на Капитол, зградата во која се наоѓа Конгресот на САД.

Арканзас неодамна објави дека една од новите статуи ќе биде во чест на Кеш, иконата на кантри музиката која ги одбележи генерациите и се смета за еден од највлијателните музичари на 20. век.

Авторот на песната „I Walk the Line“ почина во 2003 година.