Кривична пријава за двајца охриѓани осомничени за сторени 14 тешки кражби

СВР Охрид поднесе кривична пријава против И.Б.(29) и С.Ѓ.(34), двајцата од Охрид, поради постоење основи на сомнение за сторени 14 кривични дела „тешка кражба“ и пет кривични дела „кражба“.

Во периодот од октомври минатата до април оваа година, соопшти денеска МВР, пријавените на различни локации во Охрид и во неколку села, со употреба на подесен алат и физичка сила, влегувале во куќи и станови и одземале разновидни предмети.

Одземените предмети веднаш ги продавале со што се стекнале со значителна противправна имотна корист.