Поради Натали Портман, Моби ја откажа промоцијата на мемоарите

Поради скандалот околу тврдењата дека бил во врска со Натали Портман, Моби ја откажа промоцијата на своите мемоари.

Имено, Моби (53), чие вистинско име е Ричард Мелвил Хол, прво во книгата под наслов „Then It Fell Apart“, а потоа и објавувајќи фотографии на Инстаграм, тврдеше дека пред 20 години бил во врска со глумицата, кога таа имала помалку од 20, а тој 33 години.

– Бев ќелав и пиев повремено, а таа беше убава филмска ѕвезда. Но, беше тука, во мојата соблекувална и флертуваше со мене. Јас имав 33, а таа 20 години, но тоа беше нејзин свет. Неколку седмици се обидував да ѝ бидам момче, но не успеав. Морав да ѝ кажам дека паниката ми е премногу неудобна околу тоа да бидам во врска, но една вечер таа ми се јави на телефон и ми рече дека запознала некој друг. Ми олесни, бидејќи сепак не морав да ѝ кажам колку сум оштетен, пишува Моби во мемоарите.

Таа по тој повод изјави дека тој е „чуден постар човек кој кон неа се поставил прилично морничаво“.

– Нашето познанство не беше врска. Неговото сеќавање е како на чуден постар човек кој кон мене се поставил многу морничаво. И немав 20, туку 18 години. Бев тинејџерка и штотуку завршив средно образование, истакна Портман.

Таа тогаш ги искритикува и неговите издавачи, оти поради алчноста за заработка на пикантерии, не ги провериле фактите пред книгата да оди во печат.

Потоа, Моби на Инстаграм минатиот викенд ѝ се извини на глумицата, но и на читателите за тоа што претходно не им кажал што ќе пишува во мемоарите, а сега, како што стои и на неговата официјална интернет-страница, тој ја прекинува и турнејата за промоција на книгата.

– Прифаќам дека, со оглед на разликата од речиси 14 години, секако требаше да бидам многу поодговорен и со поголема почит кон времето кога се запознав со Натали, објави тој.