Специјалци на МВР спасија двајца параглајдеристи од Украина на планината Галичица

Специјалци на МВР спасиле двајца параглајдеристи од Украина, при несреќа што се случила денеска попладне околу 15 часот на планината Галичица.

Од МВР велат дека несреќата се случила на падините на Галичица, но на албанската страна поради што наши екипи во координација со албанските колеги се упатиле на пребарување на теренот, во обид да ги пронајдат.

Мажот и жената од Украина паднале на 500 метри на албанска територија во близина на македонско – албанската граница.

Известени се спасувачките екипи, планинските тимови за спасување, граничната полиција и тие стапиле во контакт со пограничните служби во Албанија. Првичната информација е дека едниот е полесно, а другиот потешко повреден.