Москва на листата најпосетувани светски престолнини

Москва се наоѓа на седмото место меѓу европските главни градови во однос на бројот хотели од највисока категорија и е меѓу првите 20 во светската класификација по тој показател, објави momondo.ru, повикувајќи се на меѓународни стручни анализи.

На листата престолнини што предизвикуваат најголем интерес кај туристите, пак, Москва е на 31. место во светски рамки, а на 19. место во Европа. Водечката тројка ја сочинуваат Лондон, Париз и Амстердам.

Цена за ноќевање во хотел во Москва е 5.000 рубљи (71 евра), што го сместува градот во средината на педесетте најдостапни, во смисла – евтини.

Главните градови на Монако, Бахамските Острови и Сејшелите, Израел и Маврициус се најскапите за ноќевање – 196 евра до 379 евра. Најевтиното место за престој се хотелите во престолнините на Лаос, Казахстан, Камбоџа, Турција и Индонезија. Ноќевање тука ќе ве чини од 34 евра до 50 евра.

Ноќ во московски хотел со пет ѕвезди чини просечно 9.250 рубљи (131 евро). Најскапо во Европа ќе си поминете во Осло, Копенхаген, Париз и Берн: од 283 до 340 евра на ден. Во Монако ноќевање во хотел со пет ѕвезди чини 566 евра. Евтин, а удобен престој ќе најдете во престолнините на Турција, Малезија, Венецуела, Тунис и Индија – од 70 до 105 евра.