Гатузо ја одби понудата на Нант

Поранешниот тренер на Милан, Џенаро Гатузо, одби да го предводи Нант, пренесува „Скај спорт Италија“.

Нант во Гатузо гледаше замена за Вахид Халилхоџиќ кој поднесе оставка неколку дена пред почетокот на сезоната во Лига 1.

Францускиот клуб му понуди на италијанскиот стручњак двегодишен договор.

За потсетување, Гатузо го предводеше Милан од 2017 година. Минатата сезона „росо-нерите“ го освоија петтото место на италијанскиот шампионат.