Гуаидо: Мадуро денеска ќе го распушти Парламентот, можни нови апсења на пратеници
Венецуелскиот опозициски лидер Хуан Гуаидо изјави дека претседателот Николас Мадуро се подготвува да го распушти Парламентот и да распише нови избори. Според него, тоа може да ја заостри политичката криза во државата.
Гуаидо е претседател на Националното собрание каде мнозинство има опозицијата.
Тој нагласи дека одлуката ќе биде донесена денеска од Уставното собрание – паралелен законодавен орган под контрола на владејачката Социјалистичка партија. Гуаидо тврди дека можни се нови апсења на пратеници.
