Клоп ги повика своите играчи да останат „алчни“ за трофеи

Менаџерот на Ливерпул, Јирген Клоп сака неговите фудбалери да останат алчни за трофеи, за да се наградат над освоената титула во Лигата на шампионите против Тотенхем на почетокот на јуни.

„Црвените“ започнаа со победа од 4: 1 против повратникот во елитата Норвич. Следниот натпревар за избраниците на Јирген Клоп е против Челзи, во судир за трофејот од европскиот Суперкуп во среда вечер.

На прашањето што треба тимот да направи за да ги продолжи успесите во минатата сезона, Германецот одговори на официјалната веб-страница на УЕФА: „Да останеме „алчни“. Ова е многу важно. Нема сомнение за тоа“.

– По финалето во Лигата на шампионите, имавме околу четири недели во кои сите нè поздравуваа и беше неверојатно каде и да одевме. Убаво е, но може да ве омекне и да го симне гардот. Ние нема да го сториме тоа, иако може да се случи. Мора да продолжиме да го правиме истото што го правевме минатата сезона, и со неколку подобрувања ќе станеме подобри, вели Германецот.

51-годишниот тренер го коментираше и натпреварот со Челзи за европскиот Суперкуп.

– Ова е финале, но големата разлика помеѓу финалето во Лигата на шампионите и овој натпревар е во тоа што сме во нова сезона и против друг противник, заврши Клоп.