Царот Нарухито изрази каење поради улогата на Јапонија во Втора светска војна

Јапонскиот цар Нарухито денеска изрази длабоко каење поради улогата на Јапонија во Втора светска војна во своето прво појавување на годишната церемонија по повод 74 години од крајот на војната.

– Заедно со нашиот народ им оддавам почит на тие што ги загубија животите во војната и се молам за мир во светот и за понатамошен развој на нашата земја, истакна Нарухито.

Царот Нарухито (59) е првиот јапонски монарх роден по војната, а со својот денешен настап го следи својот татко, Акихито кој абдицира во мај.

Нарухито е внук на царот Хирохита во чие име се бореа јапонските трупи во Втората светска војна и кој на денешен ден во 1945 година објави безусловна капитулација на Јапонија.