Вооружена престрелка во Кашмир, загинаа тројца пакистански и петмина индиски војници

Пакистан соопшти дека тројца негови и петмина индиски војници загинале во прекуграничната размена на оган во спорната област Кашмир.

Британските медиуми јавуваат дека ова е најголема бројка на загинати војници на двете армии годинава.

Војниците загинаа во период на засилени тензии меѓу двете нуклеарни сили, откако Индија пред десет дена го укина специјалниот статус на Кашмир, регион на чиј еден дел и Пакистан вели дека има право на владение.