Индонезија избра нова локација за престолнина, преместувањето ќе ја чини 32 милијарди долари

Претседателот на Индонезија Џоко Видодо изјави дека е избрано местото каде што ќе биде престолнината на земјата. Тоа е област која опфаќа делови од регионите на Северен Пенахам и Кутаи Картанегара во провинцијата Источен Калимантан на островот Борнео.

– Локацијата е стратешка, бидејќи е во центарот на Индонезија. Ризиците од катастрофи како што се поплави, земјотреси, цунами и вулкански ерупции се минимални, рече Џоко.

Тој прецизира дека преместувањето на престолнината ќе чини 466 трилиони рупии (32,79 милијарди долари), од кои државата ќе финансира 19 отсто, а останатите ќе бидат од приватни инвестиции и јавно-приватно партнерство.