Билетите за Македонија - Словенија по цена од 50 до 200 денари

Македонската фудбалска репрезентација на 10. октомври против Словенија ги продолжува Европските квалификации за пласман на ЕУРО 2020.

По триумфот над Летонија и освоениот бод на гостински терен против Израел, македонската репрезентација на Националната арена „Тодор Проески“ ќе се соочи со еден од главните конкуренти за висок пласман во нашата група.

Сите љубители на фудбалот и поддржувачи на македонската репрезентација со фер и коректно навивање ќе можат да им помогнат на „Рисовите“ да дојдат до вредни бодови и дополнително да се приближат кон врвот во квалификациската група за пламан на ЕУРО 2020.

Верните навивачи на нашата најдобра репрезентација, од понеделник, 23. септември, ќе можат да купат билет за натпреварот против Словенија преку продажната мрежа на MKTickets.

Влезници ќе можат да се купат на посебен пулт на ФФМ во Skopje City Mall и на благајната на Националната арена „Тодор Проески“. Дополнително ќе бидат пуштени информации за почетокот на продажбата на билети на пултот на ФФМ во Skopje City Mall и на благајната на Националната арена „Тодор Проески“.

Цената на влезниците изнесува од 50 до 200 денари.

Билет од 50 денари ќе се продава за западната трибина, додека 150 и 200 денари ќе чинат влезниците на јужна и северна трибина од Националната арена „Тодор Проески“.