Голем пожар на фабрика за мазива во Руан (видео)

Голем пожар избувна ноќеска во фабрика што произведува адитиви за мазива во францускиот град Руан, во Нормандија.

Префектот одлучи да го ограничи движењето на населението на 500 метри околу пожарот, со оглед дека фабриката е класифицирана какако СЕВЕСО – ризична, јавува дописникот на МИА.

Според весникот Париз-Нормандија, нема жртви. Оваа фабрика произведува адитиви за мазива е класифицирана како Севесо, односно под посебен надзор заради суровините што ги користи.

Околу 130 пожарникари се мобилизирани во гаснењето на пожарот.

Регистрирани се и силни експлозии. Училиштата во Руан и ќе бидат затворени денеска. Исто така е затворен и автопатот и други патишта што водат кон фабриката.

Од фабриката „Лубризол“ на 21 јануари 2013 година истекуваше меркаптан, миризлив гас што неколку дена предизвика непријатни миризби во долинатана Сена и југот на Англија. Во април 2014 година, Лубризол Франс беше казнета со 4.000 евра.