Истражување на „Касперски“: 84 отсто родители загрижени за безбедноста на децата на интернет

Според најново истражување нарачано од Касперски дури 84 отсто од родителите ширум светот се жалеле за безбедноста на нивните деца на интернет.

Во истражувањето на Самана направено за Касперски, во просек, родителите поминуваат вкупно 46 минути разговарајќи со своите деца за безбедноста на интернет во текот на целото детство.

Повеќе од половина (58 отсто) од анкетираните поминуваат помалку од 30 минути за дискутирање на темата, што е половина од времето на една стандардна училишна лекција.

Според истражувањето, 9 од 10 деца на возраст меѓу седум до 12-годишна возраст на глобално ниво имаат уред за интернет, паметен телефон или таблет.

Шеесет и четири отсто родители се согласуваат дека нивните деца поминуваат премногу време на интернет.

Најопасните закани преку интернет, според родителите се кога децата гледаат штетна содржина, како што е сексуална или насилна (27 отсто); зависност од интернет (26 отсто); и примање анонимни пораки или содржина што ги поттикнува да вршат насилна или несоодветна активност (14 отсто).

За да се намалат потенцијалните ризици и да се објаснат опасностите од сурфање на интернет, 81 отсто од родителите велат дека е заедничка одговорност меѓу родителите и училиштата да ги научат децата за безбедноста на интернет.

Во истражувањето, родителите ги навеле најголемите предизвици:

– Објаснување на заканите на начин на кој децата можат да ги разберат и да се поврзат со тоа (60 отсто)

– Да ги натераат децата сериозно да ги сфатат заканите (51 отсто)

– Спречување на децата да следат и / или да им се даде доверба да не го следат притисокот од врсниците (42 отсто)