Германија до 2031 година ќе одвојува два отсто од БДП за одбраната

Германија до 2031 година, место до првично планираната 2024 година, ќе одвојува по два отсто од годишниот БДП за својата и одбраната на НАТО, изјави министерката за одбрана Анегрет Крамп-Каренбауер.

Министерката Крамп-Каренбауер изјави дека Германија ќе издвојува за одбрана по два отсто од својот БДП најдоцна до 2031 година, пренесуваат британските медиуми.

-НАТО е и ќе остане сидро на европската безбедност. Но, исто така, е јасно и дека Европа мора да ја зголеми својата комплементарна способност за делување, рече Крамп-Каренбауер на рпославата организирана синоќа во чест на генералниот секретар на Алијансата, Јенс Столтенберг.

„Тоа почнува со буџетот за одбрана. Мораме да издвоиме 1,5 отсто до 2024 година и два отсто најдоцна до 2031 година“, рече германската министерка за одбрана.

Само седум земји членки на Алијансата во моментов ја исполнуваат оваа зацртана цел- да издвојуваат два отсто од својот БДП за одбраната: САД, Велика Британија, Грција, Полска, Летонија, Литваниоја и Естонија.