Највисокиот лифт на светот

Лифтот Баилог (Лифт на сто змејови) се наоѓа во Националниот парк Џангџиаџие во Кина и е највисок лифт на отворено во светот, со 326 метри.

Стаклената кабина им овозможува на туристите да уживаат во погледот на преубавата природа на кинескиот национален парк.

Освен што е највисок, тој е и најтежок лифт на отворено. Неговата изградба траела од 1999 до 2002 година. Овој проект предизвика голем број дискусии за безбедноста, но и за природната средина, која е директно нарушена со поставувањето на лифтот.

Шините по кои се искачува лифтот се вградени во карпите, а за да се стигне до врвот е потребно околу една минута, додека претходно на туристите им требало повеќе од еден час возење за да можат да уживаат во погледот на песочните карпи, кои се наоѓаат на листата на светско наследство на УНЕСКО.