Хендерсон: Бев подготвен да го убијам Луис Суарез

Капитенот на Ливерпул, Џордан Хендерсон, откри за инцидент уште од неговиот почеток на кариерата на „Енфилд“, со неговиот тогашен соиграч Луис Суарез.

Уругваецот потпиша со тимот во јануари 2011 година, а неколку месеци подоцна играчот од средниот ред, тогаш само 20, стана дел од тимот од Мерсисајд.

– Се обидов да дадам се од себе. Штом си фудбалер, секогаш има критики и луѓето цело време се сомневаат во вас. Во тоа време, јас бев млад играч и имаше една или две работи што Луис ги правеше за време на тренинзите што не ми се допадна. Тие ме натераа да не се чувствувам доволно добро за да бидам во тимот. Тој ги креваше рацете велејќи: „Што по ѓаволите?“ Како моето место да не беше таму. Тоа навистина ме повреди. Тој го стори тоа трипати, тогаш јас експлодирав и бев подготвен да го убијам. Од тој момент, сепак, имав добри односи со Луис. Во следниот натпревар изработив негов гол. Потоа, тој ме третираше брилијантно, и се зближив со него. Тој беше уште еден одличен играч, од кога научив многу, изјави Хендерсон за подкастот „The Greatest Game“ на Џејми Карагер.