Триполи: Најмалку седуммина загинати во воздушен напад врз фабрика во Триполи

Најмалку седум лица загинаа , а најмалку 15 се повредени во денешниот воздушен напад врз фабрика за кондиторски производи во главниот либиски град Триполи, соопшти Министерството за здравство, додавајќи дека меѓу жртвите има и петмина странски државјани.

Во сооштението на министерството се наведува дека нападот се случил во квартот Вади ал-Рабие, во јужниот дел на градот, јавија американските медиуми.

Од април годинава Триполи е средиште на борби меѓу самопрогласената Либиска народна партија и повеќето милиции поврзани со меѓународно признатата, но слаба влада, која ја контролира престолнината.

Уличните борби престанаа во изминатите недели, но двете страни продолжија да разменуваат минофрлачки напади на јужните приоди на градот.

Во борбите досега загинаа неколку стотици лица, а илјадници се раселени.