Во Скопје 4. Берза за дојдовен туризам

Во Скопје денеска ќе се одржи четвртото издание на Берзата за дојдовен туризам во државава, во организација на Националната асоцијација за дојдовен туризам на Македонија (НАИТМ), со поддршка од Туристичко-угостителската комора, Министерството за економија и Амбасадата на Швајцарија, преку Програмата за зголемување на пазарната вработливост.

Целта на настанот е да се подобри комуникацијата меѓу различните групи чинители во дојдовниот туризам, да се помогне во разбирање на нивните бизнис-потреби и да се овозможи полесно приспособување на туристичката понуда на државата во согласност со светските трендови.

Берзата ќе ги обедини сите чинители во секторот туризам и угостителство и освен со локалните фирми и поединци со дојдовна туристичка понуда ќе можат да се сретнат со претставници на туроператори од Словенија и од Италија.

Најавени се обраќања на министерот за економија Крешник Бектеши, швајцарската амбасадорка Сибил Сутер Тејада и претседателот на НАИТМ, Влатко Сулев.