Градов има грув! - Нов видео спот на Џоле и Кацар (Токсиколози)

Новиот видео спот на Џоле и Кацар од групацијата Токсиколози е во етер, која е насловена како - '' Градов има грув''. Видеото може да го проследите на нивниот официјален YouTube канал (https://www.youtube.com/user/ToksikoloziOfficial )

Во песната се опишува целокупната слика за градот Скопје, од минатото до денес, сите убави и лоши страни, во содржината на видеото се гледаат познатите урбани точки на градот, архитектурата, маалскиот живот, парковите, Водно итн. Музиката е дело на Dj Аце Мице, а миксот и мастерот е во соработка со Димитар Андоновски.Видеото во целост го направи Јован јанковски и прекрасно ја вклопи сликата со опуштениот призвук на оваа рап нумера.

Од Токсиколози велат дека пораката која ја пренесува песната е дека од секој од нас индивидуално зависи во каков град сакаме да живееме, ние и идните генерации, и дека секој на свој начин би требало да го даде својот придонес за да имаме поквалитетен живот, почиста и здрава средина.

Исто така најавија дека во подготовка е нов сингл кој очекуваат да излезе наскоро.