Општина Кисела Вода сади 700 багреми покрај патот кон Теферич

Делегација на Општина Кисела Вода предводена од градоначалникот Филип Темелковски денеска направи увид во работните активности за пошумување на земјиштето покрај патот кој води кон населеното место Теферич.

Како што соопшти Општината, пошумувањето на површина од 2.000 метри квадратни се врши со цел да спречи повторна ерозија/свлечиште на санираниот пат.

Општината свлечиштето целосно го санираше овој месец и во должина од 200 метри го асфалтираше патот.

По акцијата за садење багреми, на земјиштето ќе се постави летниковец и урбана опрема, клупи и корпи за отпадоци, стои во соопштението.