Арсенал му го нанесе шестиот пораз на Манчестер јунајтед оваа сезона

Во последниот натпревар од првиот ден во новата година, Арсенал синоќа на домашен терен го совлада Манчестер јунајтед со 2:0.

За Јунајтед ова беше шести пораз по 21 одигран меч сезонава, додека Арсенал ја забележа шестата победа.

Стрелци на головите беа Николас Пепе и Сократ Папастатопулос, двата во првото полувреме.

Лондонскиот клуб се искачи од 13. на 10. место на табелата во Премиер лигата, додека Јунајтед остана на петтата позиција.