Коњков: Мишустин е само технички премиер, со јасни привремени задачи

Директорот на руска Федерална даночна служба Михаил Мишустин е повикан на местото претседател на владата како „технички“ премиер, за да ги изработи уставните амандмани и да ги реализира националните проекти, а не за исполнување на политички амбиции, смета политичкиот аналитичар Александар Коњков.

-Мислам дека Мишустин може да стане своевиден технички премиер, што е категорија која беше позната во првите два мандата на Михаил Фратков и Виктор Зупков. Премиер кој нема политички амбиции, но истовремено има конкретна, јасна задача, на чија реализација ќе работи, објасни Коњков за руските медиуми.

Меѓу задачите кои Мишистин и новата влада треба да ги добијат Коњков ги издвои постигнување на националните цели и реализирање на националните проекти, како и развој, разгледување и усвојување на измените на рускиот Устав, кои Путин ги предложи во својот говор пред Фдералното собрание – Думата.

Според него, токму овие измени на Уставот укажуваат на „привремениот“ карактер на новата влада.

Рускиот премиер Дмитриј Медведев вчера го информираше Путин дека владата поднесува оставка, а потоа Кремљ соопшти дека претседателот на Русија за нов премиер го предлкожил Михаил Мишустин.