Шефот на европската дипломатија во дводневна посета на Вашингтон

Шефот на европската дипломатија Жозеп Борел денеска ќе допатува во дводневна посета на Вашингтон што ќе биде негова прва посета на САД како висок претставник на ЕУ за надворешна политика и безбедност.

Како што најави Брисел, Борел ќе се сретне со американскиот државен секретар Мајк Помпео и високиот советник на Белата куќа Џаред Кушнер. Тој ќе разговара и со претседавачот на Претставничкиот дом Нeнси Пелоси и советникот за национална безбедност Роберт О’Брајан.

Состаноците претставуваат можност за зајакнување на надворешнополитичкиот дијалог на ЕУ и САД и треба особено да се фокусираат на начините за зајакнување на трансатлантските односи, се вели во соопштението на Европската служба за надворешни работи.