Жиру: Се најдов помеѓу два пожари, но сега ќе дадам сè за Челзи

Напаѓачот на Челзи, Оливие Жиру зборуваше за неговите тешки последни месеци на „Стемфорд Бриџ“. Французинот постојано се залагаше за трансфер и дури се сметаше за сигурно неговото заминување за Италија – во Лацио или Интер.

Но, вчера Жиру повторно се појави за Челзи во поразот дома од 0:2 против Манчестер Јунајтед.

Напаѓачот дури и постигна гол, но истиот беше поништен поради офсајд откако ситуацијата беше прегледана со ВАР.

„Заминав, од средината на декември до крајот на јануари, се најдов помеѓу два пожари. Од 1 февруари се вратив 100% за Челзи. Ќе дадам сè за овој дрес до јуни. Убаво беше да се игра и повторно да се помириса на тревата. Сега сакам да играм што е можно повеќе за да се обидам да добијам повик за Европско првенство, рече Жиру.