Брајтвајт нов играч на Барселона

Напаѓачот Мартин Брајтвајт се пресели од Леганес во Барселона. Дваесет и осумгодишниот Данец потпиша договор со Каталонците со важност до летото 2024 година.

Барселона на Твитер објави дека износот на трансферот е 18 милиони евра. Во договорот на играчот, ќе биде пропишана клаузула за откуп на договорот во износ од 300 милиони евра.

Оваа сезона на 24 настапи во Ла Лига, Брајтвајт постигна шест голови.