Хамнеи: Армијата да помогне во борбата против ширењето на вирусот Ковид-19

Врховниот лидер на Иран, ајатолахот Али Хамнеи им нареди на вооружените сили на Иран да му помогнат на Министерството за здравство во спречувањето на ширењето на новиот коронавирус.

Одлуката доаѓа во време кога Иран се соочува со најголем број смртни случаи по Кина и голем број заразени со новиот коронавирус.

Хамнеи ја објави одлуката откако државната телевизија покажала фотографии на кои сади дрво носејќи ракавици.

-Се што помага во подобрување на јавното здравје и го спречува ширењето на вирусот е добра работа. Се што помага во ширењето на вирусот е грев, рече Хамнеи.

Властите во Иран велат дека планираат да мобилизираат околу 300.000 војници и волонтери за да помогнат во борбата против ширењето на вирусот.