Артрета позитивен на коронавирусот, Дибала најверојатно втор од Јувентус со Ковид-19, Менди во изолација

Фудбалскиот клуб Арсенал доцна вечерва излезе со официјално соопштение во кое ја извести јавноста дека тренерот на А екипата Микел Артрета е позитивен на коронавирусот.

Целиот клуб, играчите, стручниот штаб и административните лица кои се дел од тимот се ставени во карантин.

Англиските медиуми пак шпекулираат дека Артрета најверојатно е заразен од контактот кој го имал со претседателот на Олимпијакос при средбата од Лига Европа.

Италијанските медиуми доцна вечерва објавија дека и Дибала е позитивен на коронавирусот по неговиот соиграч Ругани но од Јувентус засега не ја потврдуваат ниту пак негираат оваа информација.

Во текот на денешниот ден беше соопштено дека и тројца фудбалери на Лестер се позитивни на Ковид-19, информација која ја потврди тренерот Роџерс.

Менди пак од Манчестер Сити е ставен во изолација и се чекаат резултати од испитувањата за коронавирусот.