210 Тетовчани во државен карантин, четворица приведени заради нарушување на полициски час

Четири лица го прекршиле полицискиот час изминатата ноќ во Тетово, инфомира тетовската полиција. Сите биле приведени во полициска станица, по што за нив ќе бидат поднесени пријави согласно Кривичниот законик. Ден претходно немаше ниту едно прекршување на полицискиот час, додека вкупната бројка сега изнесува 83.

– Во овој период вкупниот број на лица, спроведени во државен карантин на тетовско подрачје е 210. Бројот на лица со потпишани изјави за самоизолација изнесува 55, истакна Марјан Јосифоски, портапрол на СВР Тетово.

Покрај ова, реaлизирани се 67 контроли на лица со решенија за изолација, издадени од Државниот здравствен и санитарен инспекторат.