Пентагон: Американските вооружени сили минатата година убиле 132 цивили

Американските војници минатата година убиле 132 цивили во операции во Ирак, Сирија, Авганистан и Сомалија, се вели во извештај на Пентагон.

Според годишниот извештај, 108 од загинатите се во Авганистан, каде САД против Талибанците ја водат најдолга војна во својата историја.

Невладините организации за човекови права редовно пријавуваат значително поголем број смртни случаи и повредени како резултат на американските напади.