Земјотрес во Јапонија од 5,5 степени

Земјотрес со јачина од 5,5 степени утрово го погоди североисточниот дел на Јапонија, соопшти Јапонската метеоролошка служба.

Епицентарот на земјотресот бил во округот Ибараки, на длабочина од 50 километри под нивото на морето.

Земјотресот е почувствуван и во околните области, како и во Токио, а досега не е издадено предупредување за цунами.