Поради топлите океани претстојат натпросечно топли месеци

Во северната хемисфера и тропските области во мај и јуни температурите ќе бидат повисоки од просечните поради топлото море, соопшти денеска Светската метеоролошка организација (СМО).

Оваа година, месеците до почетокот на мај беа најтопли или втори најтопли од почетокот на регистрирање на температурата, според агенцијата на ОН за временски и климатски услови. Додека високите температури претходните години предизвикаа природни климатски флуктуации во океанот, ваквите феномени, во кои спаѓа и Ел Нињо, не играат улога оваа година.

„Температурите на воздухот и морето се зголемија како резултат на климатските промени и тоа има големо влијание врз екстремните временски услови како што се тропските циклони и врнежите од дожд“, се вели во соопштението на генералниот секретар на СМО, Петери Теалас.

СМО очекува натпросечни врнежи од дожд во Индискиот Океан, над Австралија и западниот дел на индонезискиот архипелаг во наредните месеци.

Помалку дожд од вообичаеното се очекува во јужните и екваторијалните региони на Јужна Америка, како и на Карибите и индискиот потконтинент.