Малолетни струмичани одземале пари, телефон и златни обетки од пензионерка сместена во Дом за стари лица

СВР Струмица поднесе кривичнa пријавa против двајца малолетници за кои постојат основи на сомнение дека сториле кривично дело „разбојништво“.

Како што соопшти МВР, се работи за 13-годишно момче од Струмица и за 15-годишно момче од селото Банско.

Тие на 21 април годинава со употреба на сила одзеле пари, мобилен телефон, рачен часовник и златни обетки од М.Л., пензионерка сместена во Домот за пензионери на улицата „Ленинова“ во Струмица.