Трoјца кичевци се приведени за непочитување на полицискиот час

Во текот на изминатото деноноќие, за време на полицискиот час и спроведувањето на мерките за ограничено движење и заштита на граѓаните од ширење на коронавирус COVID-19, според статистичките податоци на МВР, на подрачјето на СВР Охрид, каде спаѓа и Кичево три лица не ја почитувале забраната за движење. Тие се приведени и против нив ќе бидат поднесена кривична пријава по членот 206 од Кривичниот законик „непостапување според здравствените прописи за време на епидемија“.

Во истиот период, не се регистрирани нарушувања на јавниот ред и мир, кражби и сообраќајни незгоди информираа портпаролот Стефан Димоски

– Поради постоење основи на сомнение за сторено казнено дело „непостапување според здравствените прописи за време на епидемија“, ОВР Кичево, до надлежното Јавно обвинителство поднесе кривична пријава против З.З.(50) од Кичево. Тој, на 18 мај во 19,20 часот бил затекнат на улицата “Борис Кидрич“, во Кичево, пришто, полициските службеници констатирале дека нема соодветна дозвола за движење и не ја почитувал мерката за забрана за движење на населението за време на полициски час од 19 часот на 18 мај до 05 часот, следниот ден , додаде Димоски.