Струшкото обвинителство побара парични казни за три лица

Основното јавно обвинителство Струга побара парични казни за три лица поради непочитување на полицискиот час.

– Поради сторено кривично дело „непостапување според здравствените прописи за време на епидемија“ од член 206 став 1 од Кривичниот законик, Основното јавно обвинителство Струга за три лица поднесе предлози за издавање казнени налози со кои му предложи на Судот на обвинетите да им изрече парични кзни во висина од по 100 дневни глоби, секоја од нив во вредност од по 30 евра во денарска противвредност, соопшти Јавното обвинителство.

Обвинетите, како што е наведено во соопштението, не ја почитувале Одлуката за забрана на движење на населението на територијата на Македонија, па со возила или пеш се движеле во околината на Струга.​