Приведен охриѓанец, сопственик на плажа, поради нарушување на јавниот ред и мир додека се рушела дивоградбата

Денеска во 09,30 часот, во СВР Охрид, поради нарушен јавен ред и мир на плажа во комплексот „Инекс“, приведен е В.М. (41) од Охрид. Против него, ќе биде поднесена соодветна пријава.

Претходно како што известија медиуми во Охрид се отстрануваа нелегално изградени објекти на плажата „Немо“. Акцијата, која започна пред неколку дена се спроведува со полициска асистенција.