Во Велика Британија речиси 300.000 заразени со Ковид-19, повеќе од 42.000 починати

Во Велика Британија има речиси 300.000 случаи на коронавирусот, додека повеќе од 42.000 лица починале, покажуваат податоците на британската Влада.

Меѓутоа, овие бројки вклучуваат само луѓе кои биле тестирани за коронавирусот, така што бројот на починати веројатно е значително поголем, јави Би-Би-Си.

Според најновите податоци од Канцеларијата за национална статистика, неделниот број на починати се вратил на нормално ниво за овој период од годината.