Прифатена оставката за јужнокорејскиот министер за обединување заради тензиите на Корејскиот полуостров

Јужнокорејскиот претседател Мун Џае-ин ја прифати оставката на министерот за обединување, задолжен за прашањата со Северна Кореја, Ким Јон Чуи, заради тензиите на Корејскиот полуостров, соопшти Сината палата во Сеул, јави ДПА.

Министерот Ким ја поднесе оставката пред два дена, откако претходниот ден Северна Кореја ја уништи канцеларијата за врски меѓу двете земји на својот дел од заедничката граница, кај Кесонг.

Јужнокорејското претседателство не соопшти за никакви детали поврзани со оставката, но порпаролот Чеонг ва Дае, сепак, кажа дека претседателот Мун официјално ја одобри понудената оставка откако „ја ислуша позицијата на министерот“, пренесе ДПА.

Досегашниот министер претходно го предводеше државниот Институт за национално обединување на двете Кореи, а на министерската позиција беше поставен во април 2019 година.

Неговиот досегашен заменик, Сух Хо, се очекува да ја извршува должноста министер, јави Јонхап, но претседателската канцеларија допрва треба да посочи кој ќе биде наследникот на Ким, пренесе ДПА.