Париз: инциденти меѓу млади и полицијата за време на импровизирана забава

Пет лица се уапсени, а деветмина повредени за време на тепачка во текот на минатата ноќ на „Еспланадата на Инвалидите“ во Париз помеѓу млади луѓе кои дојдоа да учествуваат на импровизирана забава и силите на редот, јави дописникот на МИА.

Повикот за оваа импровизирана забава беше дискретно објавен на социјалните мрежи под кодното име „ProjectX“, како инспирација од американскиот филм „Project X“, претставена како забава организирана од тинејџери и која ги надмина очекувањата поради големиот број на присутни.

Во мали групи, понекогаш многу алкохолизирани, многу млади, од кои повеќето дојдоа да го прослават крајот на школската или универзитетската година, играа мачка и глушец од полноќ до 2:00 часот изутрината со присутните полицајци.

-После непријателските пароли и фрлање на проектили, полицијата мораше да го употреби своето вооружувања за колективна одбрана, соопшти префектурата, ккоја на забавата се појавиле околу 2000 учесници.

Овие инциденти се случуваат седум дена по празникот на музиката, кој доведе до контроверзни масовни собири на младите луѓе, и покрај сè уште активната циркулација на коронавирусот.