САД ја повикаа ЕУ да не употребува кинески системи за проверка на багаж

САД ги повикаа европските земји да прекинат соработка со крупниот кинески произведувач на опрема за проверка на товар и багаж, „Нуктеч“, бидејќи растечкото присуство на компанијата во Европа наводно ја ставало под закана безедноста на стариот континент.

Како што денеска јави Волстрит журнал, Советот за национална безбедност на САД и други државни агенции им порачале на европските партнери да се откажат од системите за скенирање дизајнирани од компании контролирани од кинеската Влада.

Овие системи се употребуваат во аеродромите, пристаништата и на граничните премини во европските земји за проверка на багаж, товар и патници.

Се истакнува дека системите за проверка на товар и багаж се тесно интегрирани со бази на податоци кои содржат информации за патниците, како пасошки податоци, отпечатоци на прсти и др. Американски официјални лица сметаат дека овие системи можат да дозволат влез на кинеските компании до персонални и комерцијални податоци.

САД страхуваат дека „Нуктеч“ може да предава информации на властите на Кина. За тоа се гоори и во документи на американскиот Стејт департмент.