Победа на Бајден и Трамп на примарните избори во Луизијана

Џо Бајден и Доналд Трамп синоќа извојуваа победа на нивните соодветни партиски примарни избори за претседателски кандидат во Луизијана.

Изборите за претседател на САД се закажани за 3 ноември.

Бајден, поранешен потпретседател, е избран за кандидат од Демократската партија. Трамп, актуелен претседател, бизнисмен на недвижности и сопственик на голф терени, на изборите ја претставува Републиканската партија.

Бајден беше еден од 14 останати кандидати демократи, додека Трамп пак се соочи со четворица републиканци соперници, но лесно ја доби номинацијата во Луизијана.

Поради пандемијата, гласањето беше одложено за неколку недели, затоа гласачите добија дополнителни денови за гласање, а имаше гласање преку пошта, со што се зголеми излезноста на изборите.