Кривична пријава против директор на ЈКП „Пролетер“, им продавал движни ствари од фирмата на вработените

СВР Битола поднесе кривична пријава против Љ.К.(60) од Ресен, поради постоење основи на сомнение за сторено кривично дело „злоупотреба на службена положба и овластување“. Пријавениот, како директор на ЈКП „Пролетер“ од Ресен, ја злоупотребил својата службена положба и овластување на начин што не ја спровел одлуката на Управниот одбор и не прибрал понуди за продажба на неисправни и дотраени подвижни ствари, сопственост на фирмата, туку ги продал на дел од вработените во фирмата.

На 21.04.2017, спротивно на статутот на ЈКП, донел и потпишал одлука тој и уште уште двајца вработени во фирмата да патуваат во странство од 23 до 30.04.2017, со што значително го оштетил буџетот на ЈКП „Пролетер“ од Ресен.